Informashon General
Kosnan no a bai manera bo a planea anto bo mester di yudansa finansiero temporalmente? Gobièrnu di Kòrosu ta ofresé diferente tipo di sosten. Un di nan ta ònderstant. Un sosten den forma di sèn pa yuda bo kubri algun di bo gastunan básiko. Bo mes por yena bo petishon pa ònderstant. Kon bo ta hasi esei, bo por lesa aki bou.
Gobièrnu lo evaluá usando kondishonnan mará den lei i bo dokumentonan di prueba pa wak si bo ta bini na remarke pa ònderstant .
Anteriormente bo mester a bishitá bo Kas di Bario pa hasi un petishon pa ònderstant. Awor esaki ta sosode ‘online’. Pa bo hasi bo petishon ‘online’ bo mester tin un e-mail adrès. Wak e video aki pa mas informashon i lesa e informashon riba e wèpsait bon promé ku bo kuminsa ku bo aplikashon.
Pa bo bini na remarke pa ònderstant tin algun kondishon ku bo mester kumpli kune. Bo por lesa e kondishonan den mas detaye aki.
Komo parti di e proseso di aplikashon pa ònderstant, Gobièrnu di Kòrsou ta rekerí algun dokumento personal di bo. Klek aki pa sa kua nan ta.
Bo tin un e-mail adrès personal, bo ta bini na remarke segun e kondishonnan stipulá i bo tin tur dokumento na man, klek aki pa bo kuminsa ku e proseso di petishon ‘online’.
Bo no a haña e kontesta riba bo pregunta?
Nos tei pa yuda! Klek aki.
Proseso di Aplikashon
Na momentu ku bo entregá bo petishon pa ònderstant e Kas di Bario konserní di Sektor di Desaroyo Sosial lo evaluá bo petishon i duna un kontesta.
P’esei ta importante pa bo yena i kontrolá tur datos i dokumento rekerí promé ku bo entregá bo petishon.
Promé ku bo por entregá un aplikashon bo mester krea u kuenta di MiSOAW. Pa esaki bo mester tin un e-mail adrès. Tuma nota: mes un e-mail adrès no por registrá pa mas ku un persona.
Pa bo bini na remarke pa ònderstant tin algun kondishon ku bo mester kumpli kune. Bo por lesa e kondishonan den mas detaye aki.
Komo parti di e proseso di aplikashon pa ònderstant, Gobièrnu di Kòrsou ta rekerí algun dokumento personal di bo. Klek aki pa sa kua nan ta.
Bo tin un e-mail adrès personal, bo ta bini na remarke segun e kondishonnan stipulá i bo tin tur dokumento na man, klek aki pa bo kuminsa ku e proseso di petishon ‘online’.
Bo no a haña e kontesta riba bo pregunta?
Nos tei pa yuda! Klek aki.
Kondishonnan
Bo ke hasi un petishon pa ònderstant serka Sektor di Desaroyo Sosial? Na e petishon pa ònderstant tin algun kondishon mará.
Lesa aki bou pa mas detaye tokante di e kondishonnan.
Bo tin 18 aña of mas di edat anto bo ta un residente Hulandes riba kual e lei di Atmishon i Ekspulshon no ta aplikabel? Dor di e situashon ku bo ta aden (òf por kai aden) bo no tin e manera di yega na sen pa kubri gastunan primario pa biba? Òf dor di bo limitashon físiko/mental un spesialista médiko independiente a deklará ku bo no apto pa traha?
Si bo kontestanan ta si, e orei bo por bini na remarke pa ònderstant.
Bo tin 65 aña of mas? E orei kisas bo tin derechi riba AOV-toelage. Den e kaso aki, tuma kontakto ku bo Kas di Bario.
Bo tin mas pregunta? Klek aki i selektá e nòmber di e zona mas serka di bo bario den e lista i wak e informashon di kontakto di bo Kas di Bario aparesé.
Bo ta un ekstranhero mayor di edat riba kual e lei di Atmishon i Ekspulshon ta aplikabel, pero ku tin un pèrmit di estadia segun e mes un lei i ta residensiá na Kòrsou? Si e kontestanan ta si, e orei bo por bini na remarke pa ònderstant.
Bo tin un e-mail adrès personal, bo ta bini na remarke segun e kondishonnan stipulá i bo tin tur dokumento na man, klek aki pa bo kuminsa ku bo petishon ‘online’.
Bo no a haña e kontesta riba bo pregunta?
Nos tei pa yuda! Klek aki.
Dokumentonan rekerí
Durante di e proseso di petishon pa ònderstant bo mester tin algun dokumento di prueba na man pa ‘upload’.
Aki ‘bou bo por mira e lista di dokumentonan rekerí. Tuma nota ku lo bo mester saka un potrèt of ‘scan’ tur dokumento rekerí. Esakinan mester ta bon visibel promé ku bo ‘upload’ nan pa kompletá e proseso di aplikashon ‘online’. Ta importante pa tur dokumento ku bo entregá ta aktualisá, ku otro palabra, dokumentonan ku un fecha di vensementu, no por ta vensí.
Tuma nota: No ta tur dokumento aki ‘bou ta obligatorio pa tur persona. Esaki ta diferente pa kada persona, pues lesa esaki promé bo kuminsa ku bo petishon.
Sòru pa bo tin tur dokumento na man promé bo ku kuminsa yena e formulario di petishon.
Un di e dokumentonan rekerí ta un sédula bálido . Sédula ta e dokumento ofisial di identifikashon na Kòrsou i e ta prueba ku bo ta residente di Kòrsou.
Unda mi por buska e dokumento aki?
Departamento di Asuntu Públiko ta registrá susesonan di bida (nasementu, fayesimentu, matrimonio, divorsio, rekonosimentu) den registronan sivil.
Bishitá e lenk aki pa mas informashon tokante di un sédula.
Bishitá e Lokèt Digital di Gobièrnu pa traha bo sita pa saka un sédula. Klek aki.
Bo no tin nashonalidat hulandes? Den e kaso aki bo mester tin un prueba di estadia bálido promé ku bo por bini na remarke pa ònderstant.
Unda mi por buska e dokumento aki?
Prueba di estadia ta un produkto di Servisio di Atmishon (Immigrashon) di Ministerio di Hustisia. Pa mas informashon klek riba e lenk aki.
Den e kaso ku bo ta kasá, bo mester entregá un prueba di esaki den forma di un akto of buki di martimonio. Si bo tin un buki di matrimonio, ‘scan’ òf saka potrèt i entregá e paginanan relevante di e buki.
Unda mi por buska e dokumento aki?
Departamento di Asuntu Públiko ta registrá susesonan di bida (nasementu, fayesimentu, matrimonio, divorsio, rekonosimentu) den registronan sivil.
Bishitá e lenk aki pa mas informashon tokante di un akto di matrimonio.
Den e kaso ku bo kasá a fayese, bo mester entregá un prueba di esaki den forma di un akto di fayesementu.
Unda mi por buska e dokumento aki?
Departamento di Asuntu Públiko ta registrá susesonan di bida (nasementu, fayesimentu, matrimonio, divorsio, rekonosimentu) den registronan sivil.
Bishitá e lenk aki pa mas informashon tokante di un akto di fayesementu.
Den kaso ku bo tin un of mas yu menor di edat, bo mester entregá prueba di esaki den forma di un akto di nasementu di bo yu(nan) of un buki di famia. Si bo tin un buki di famia, bo mester entragá un kopia di e pagina(nan) relevante di e buki di famia.
Unda mi por buska e dokumento aki?
Departamento di Asuntu Públiko ta registrá susesonan di bida (nasementu, fayesimentu, matrimonio, divorsio, rekonosimentu) den registronan sivil.
Bishitá e lenk aki pa mas informashon tokante di un akto di nasementu.
Den kaso ku bo ta bibá ku bo pareha i esaki ta legalmente registrá, bo mester entragá un prueba ku abo i bo pareha tin kondishonnan pa kompartí bida huntu. Esaki ta un prueba di konbibensia legalisá di pareha.
Unda mi por buska e dokumento aki?
Den kaso ku bo ta bibá ku bo pareha i esaki ta legalmente registrá, bo mester entragá un prueba ku abo i bo pareha tin kondishonnan pa kompartí bida huntu. Esaki ta un prueba di konbibensia legalisá di pareha.
Den kaso ku bo a divorsiá, bo mester entragá un prueba di esaki den forma di un akto di divorsio. Alabes lo bo mester entragá e veredikto kual ta reflehá e desishon di korte relashoná na e divorsio.
Unda mi por buska e dokumento aki?
Departamento di Asuntu Públiko ta registrá susesonan di bida (nasementu, fayesimentu, matrimonio, divorsio, rekonosimentu) den registronan sivil.
Bishitá e lenk aki pa mas informashon tokante di un akto di divorsio.
Den kaso ku bo tabata bibá ku bo pareha i esaki tabata legalmente registrá, pero e relashon a terminá, bo mester entregá un prueba ku abo i bo pareha a anulá e kondishonnan pa kompartá bida ku otro. Esaki ta un prueba di divorsio di konbibensia legalisá di pareha. Alabes lo bo mester entregá e veredikto kual ta reflehá e desishon di korte relashoná na e divorsio di konbibensia legalisá di pareha.
Unda mi por buska e dokumento aki?
E Prueba di konbibensia legalisá di pareha (i divorsio) ta un dokumento produsí pa un notario. Si a kaso bo no tin un kopia propio di e dokumento aki, tuma kontakto ku e ofisina di e notario i pidi un kopia.
Bo tin un trabou? Den e kaso aki bo mester entregá prueba den forma di un kòntrakt di trabou pa demostrá bo relashon laboral aktual.
Unda mi por buska e dokumento aki?
Si bo no tin un kopia original di bo kòntrakt di trabou, bo por hasi un petishon pa un kopia di esaki na e departamentu di rekurso humano di e kompania kaminda bo ta traha of serka bo doño di trabou.
Bo a pèrde trabou? Den e kaso aki bo mester entregá prueba ku e kombenio entre bo doño di trabou i abo komo empleado a yega na un final. Alabes e karta mester reflehá motibu pa kual e kombenio a yega na un final. Tambe bo mester entregá bo dos (2) último slep di salario komo prueba di e montante di sèn ku bo a bai kas kun’e despues di retiru.
Unda mi por buska e dokumento aki?
Si bo no tin un kopia original di bo karta di retiru i dos último slep di salario, bo por hasi un petishon pa un kopia di esakinan na e departamentu di rekurso humano di e kompania kaminda bo tabata traha of bo èks doño di trabou.
A keda konstatá ku bo no por traha mas pa un òf otro motibu? Bo mester entregá diagnóstiko médiko komo prueba di bo kondishon di salú físiko òf mental kual ta pone ku bo no por traha. Esaki por ta karta di un spesialista médiko, un sikólogo of un sikiatra.
Unda mi por buska e dokumento aki?
Tuma kontakto ku ofisina di bo spesialista médiko, sikólogo òf sikiatra ku e petishon pa risibí un karta ku ta reflehá bo kondishon di salú físiko òf mental i ta menshoná ku pa e motibu ei bo no por traha.
Ònderstant ta un yudansa finansiero temporal, pues ta importante pa bo sigui mobilisá pa buksa trabou. Komo prueba ku bo ta aktivamente buskando trabou bo por entregá bo karta(nan) di solisitut. Tuma nota: esaki no ta obligatorio.
Unda mi por buska e dokumento aki?
Karta di solisitut ta algu ku bo mes por traha òf bo por pidi yudansa den bo sírkulo di amigu i/o famia. Tambe Ministerio di SOAW sa ofrese kurso pa siña traha bo karta di solisitut. Pa mas informashon, tuma kontakto ku bo kas di bario. Klek aki.
Bo tin kuenta koriente of di spar na banko. Den e kaso aki bo mester entregá un kopia di bo dos (2) último statement di e kuenta(nan) komo prueba di e saldo di bo kuenta(nan) bankario.
Unda mi por buska e dokumento aki?
Pa un kopia di e statement di bo kuenta(nan) di banko, bo por akudí na bo banko(nan).
Bo ta hür kas serka Fundashon Kas Popular (FKP) òf bo ta hür kas serka un propietario partikulir? Komo prueba di esaki bo mester entragá un kopia di bo kòntrakt di hür i prueba di pago mensual.
Unda mi por buska e dokumento aki?
Si bo no tin un kopia di bo kòntrakt di hür, bo por akudí na FKP (Si bo ta hür serka FKP) òf e doño di kas (kaminda bo ta biba) pa un kopia.
Bo ta risibí penshun di vuida(o) of huérfano? Komo prueba di esaki, bo mester entragá un kopia di bo karnèt di AWW.
Unda mi por buska e dokumentonan aki?
Penshun di vuida(o) of huérfano ta un produkto di Banko di Seguro Sosial (SVB).
Pa mas informashon bishitá e wèpsait di SVB. Klek aki.