Datonan personal

 Gobièrnu di Kòrsou ta usa datonan personal ku ta keda kolekshoná via e website aki, únikamente pa e metanan ku abo a stipulá. Ku esaki Gobièrnu di Kòrsou ta kumpli ku legislashon di privasidat.

Kon Gobièrnu di Kòrsou ta maneha bo datonan personal?

Kaminda ta elaborá bo datonan personal, ta nota eksaktamente kua informashon ta usa pa kua meta. Gobièrnu di Kòrsou ta usa datonan personal ku ta keda kolekshoná via e website aki, únikamente pa e metanan ku abo a stipulá.

Sinembargo, por usa e datonan pa investigashon, buskeda of detekshon, si via e site a kometé echonan kastigabel of a usa ekspreshonnan kastigabel (i otro eksepshonnan, tal manera menshoná den artikulo 43 di Lei di Protekshon di datonan personal).

No ta warda datonan personal mas largu ku ta nesesario, pa e meta pa kua a kolekshoná e datonan. Pa tur elaborashon di dato personal ta konta, ku solamente ta usa e datonan ku abo mes a stipulá den forma aktivo.

Kiko e Lei di protekshon di datonan personal ta?

Lei di protekshon di datonan personal (Wbp) ta yuda protehá privasidat di e siudadano. E lei aki ta entre otro aplikabel riba datonan ku ta elaborá via website di ministerionan. E “Kolegio pa protekshon di datonan personal” ta e vigilante òf e supervisor di e Lei di protekshon di datonan personal.

Bo por lesa of download “de Wet bescherming persoonsgegevens” (vershon Hulandès) riba Overheid.nl.

Kiko ta un dato personal?

Un dato personal ta informashon ku ta relashoná na un persona. Ehèmpel di un dato personal ta un nòmber òf adrès di kas. Pero un e-mail (adrès elektróniko) tambe por ta un dato personal.

Responsabilidat

Publikashon di e informashon riba www.soaw.cw ta responsabilidat di Gobièrnu di Kòrsou komo país. Informashon riba e wèpsait aki ta di Gobièrnu di Kòrsou. Ni maske nos a kolektá e informashon mas eksakto i minusioso posibel, por sosodé ku sierto informashon ta antikuá, inkorekto òf inkompleto. Gobièrnu di Kòrsou no ta responsabel pa eventual daño pa motibu di uso di informashon riba e wèpsait. Gobièrnu di Kòrsou no ta responsabel tampoko pa kontenido di otro wèpsait ku ta konektá ku e wèpsait aki i ku ta trahá dor di otronan. Pa e motibu ei Gobièrnu di Kòrsou tampoko no ta responsabel pa kontenido òf pa resultadonan dañino pa motibu di uso di informashon ku ta prosedente di otro wèpsait.